Digniin Al-Shabaab Caawa u jeediyeen shacabka reer Baay.

Muqdisho''8-may-2008(Arlaadiimedia)Dhaq-dhaqaaqa Al-Shabaab ayaa caawa digniin u jeediyay shacabka ku dhaqan magaalada Baydhabo oo ah xarunta gobolka Baay.

 

Afhayeenka xarakada Al-Shabaab, Abuu Mansuur oo caawa saxaafada la Hadley ayaa sheegay in ay uga digayaan shacabka ku dhaqan Baydhabo in ay ku dhowaadeen goobaha ay ku sugan yihiin Itoobiyaanka iyo dowladaba.

 

“waxaan shacabka uga digeynaa in ay ciidamada gaalada iyo kuwa gaalo raacyada ay ku dhowaadaan, cidii u tagta, wixii gaara anaga mas’uul kama nihin’ ayuu yiri Abuu mansuur.

 

Hadalkan ayuu Abuu mansuur sidoo kale ku sheegay in dhaq-dhaqaaqyadooda ay sii xoogeysteen, maalmaha soo socdana ay sii badin doonaan.