Isku dhacyo ka socda Iminka deegaanka Yaaqshiid.

Muqdisho''6-may-2008(Arlaadiimedia)Ciidamada dowlada federaalka Itoobiya ee fariisinka ku leh  Stadio Muqdisho ayaa saakay howl galo ka sameeyay deegaano ku dhow dhow fariisinkooda.

 

Deegaanada saakay howl galada ay ciidamada Itoobiyaanka ka sameeyeen ayay wararku sheegayaan in ay kala yihiin Yaaqshiid iyo Deyniile, halkaasi oo sida la sheegay ay dad faro badan ka soo qab-qabteen.

 

Wararka qaarkood ee iminka aynu ka heleyno aagaasi ayaa tibaaxaya in meelaha qaarkood ay ka socdaan rabshado u dhaxeeya askarta Itoobiya iyo dagaal yahan ka tirsan xoogaga mucaaradka ee ka horjeeda.

 

 Inta badan marka Ciidamada Itoobiyaanka ay qaadaan howl galo sedan oo kale ah waxa dhaca weerar ku bilowda qaraxyo, markii dambena isku bedelo iska hor imaad toos ah oo mudo socda.