Gaari ay leedahay Idaacada Somaliweyn oo rag wata dareeska ciidamada ay dhaceen.

Muqdisho''4-may-2008(Arlaadiimedia)Gaari ay leedahay Idaacada Somaliweyn ayaa koox ka tirsan ciidamada dowlada federaalka kmg-ka SOomaaliyeed ay qaateen caawa, sida ay xaqiijiyeen qaar ka mid ah mas’uuliyiinta Idaacada ee magaalada Muqdisho.

 

Cumar Shaam oo qaabilsan dhinaca suuq geynta Xayeysiinta Idaacada, isla markaasna wade ka ahaa gaariga xilliga ay ragani hubeysnaa oo watay dareeska ciidamada dowlada ayaa xaqiijiyay in laga qaatay gaariga.

 

Wuxuu sheegay in Mar uu ka yimid dhinaca deegaanka Madiina ay qabteen ragani watay dareeska ciidamada, isaga oo sheegay in uu tusay dhamaan warqadihiisa aqoonsi.

 

Wuxuu sheegay in alaabo ay ka mid yihiin taleefankiisa gacanta ay ku qaateen ragaasi.