Dabo-Geed: “aniga wareegtada la igu magacaabey waxaa soo saaray madaxweynaha, marka ra’iisal wasaaraha ma diidani aniga, xilna igama qaadi karyo”

 

Muqdisho“4-may-2008(Arlaadiimedia)aniga wareegtada la igu magacaabey waxaa soo saaray madaxweynaha, marka ra’iisal wasaaraha ma diidani aniga, xilna igama qaadi karyo” Sidaasi waxaa yiri Yuusuf Axmed Hagar (Dabo-Geed), gudoomiyihii hore ee gobolka Hiiraan .

 

“Anaga Dagaalo ayaan soo galnay, wax badan ayaan ka hor tagtay kooxaha dowlad diidka ah, marka nin bakooradiisa wata  oo hada yimid, Anaga warkiisa yeeli meyno”.

 

“Danta qaranka iyo Shacabka ku aamini meyno nin dowlada siyaasadeeda ka hor imaanaya, talaabooyinka ra’iisal wasaaraha waxaa dowlada dumis”.

 

“Iyada oo Muqaamada dagaal lagula jiro, welina aanu dhamaan aan dad cusub soo magacaa wax mustaxiil ah waaye, iyada oo Junni, taliyaha ciidamada la dilay habeen hore ayuu ra’iisal wasaaraha soo magacaabay kuwa aan wax badan ka duwaneyn, waxa loo dilay Juni Ciidan la’aan ayay ahayd, Kan la magacaabayna wax kama duwana”.

 

Dabo-geed ayaa sheegay in dhowaan uu tegi doono magaalada Baladweyne, isaga oo sheegay in meel ku dhow Baladweyne uu ku sugan yahay, Isla mar ahaantaasina uu ciidamada isu keeni doono, maadaama buu yiri dowlad dhexe oo gacan siineysa aaney jirin, waa sida uu hadalka u dhigaye, wuxuuna hadalkan bixiyay Caawa.