Cabsi ku aadan in Diyaaradaha iyo Maraakiimta dagaalka mareykanka ay mar kale Weeraro geystaan oo soo baxaysa.

Muqdisho''3-may-2008(Arlaadiimedia)Waxaa soo baxaya cabsi hor leh oo ku aadan in diyaaradaha dagaalka iyo Maraakiibta Mareykanka ay weeraro ka geystaan meelo kale oo Soomaaliya ah.

 

Meelo badan oo dalka ka mid ah oo ay ku jirto magaalada Muqdisho ayaa si weyn looga hadal hayaa cabsida ku aadan weerarka, iyada oo meelaha laga cabsi qabana ay ku jiraan meelo ay ku xoogan yihiin xarakada Al-Shabaab.

 

Diyaaradaha wax basaasa ayaa inta badan lagu arkaa hawada magaalada Muqdisho, kuwaasi oo mararka qaarkood aad u soo bata, inta badana ku soo beegma marka dagaalo ay ka dhacaan magaalada.

 

Cabsidan ayaa timid kadib markii weerar lagu qaadey xubno ka tirsan Al-Shabaab oo ku sugnaa deegaanka Dhuuso Mareeb.