Nin la sheegay in uu ka mid ahaa labo nin oo qorsheyneysay in ay dilaan Gudoomiyaha Degmada Kaaraan oo gacanta lagu dhigay.

Muqdisho''3-may-2008(Arlaadiimedia)Nin sida la sheegay ka mid ahaa labo nin oo dhalinyaro ahaa, isla markaasna qorsheynayay in ay dilaan gudoomiyaha degmada Kaaraan ayaa gacanta lagu dhigay, sida ay xaqiijiyeen qaar ka mid ah dadka deegaanka.

 

Ninkan oo ku hubeysnaa Bistoolad ayaa laga hor qabtay ilinka guriga uu degen yahay gudoomiyaha oo ku yaala inta u dhaxaysa degmada iyo saldhiga Kaaraan.

 

Dhaawac ayaa lagu soo waramayaa in loo geystay ninkan dhalinyarada ah ee la qabtay, ayada oo wararku ay sheegayaan in uusan ka mid ahayn kooxaha dowlada ka horjeeda ee dilalka geystay.

 

Mid kale oo la socdey ninkan la qabtay ayay dadka goob jooga ahaa ay sheegeen in uu fadhiyay ilin kale oo uu guriga leeyahay, uuna cararay markii ay soo baxeen ilaalada gudoomiyaha.

 

Waxaan si rasmi ah loo xaqiijin Karin in ragani ay ka mid ahaayeen kooxaha dilka geystay, maadaama aaney qiran.