Taliyaha ciidamada qalabka sida oo xalay lagu dilay Baladweyne.

Baladweyn''30-april-2008(Arlaadiimedia)Waxaa xalay gurigiisa oo ku yaala magaalada Baladweyne, xarunta gobolka Hiiraan lagu dilay taliyihii ciidamada qalabka Sida ee gobolka Hiiraan, xilli magaalada ay ka maqan yihiin maamulkii dowlada federaalka ay halkaasi u magacawdey.

Wararka ayaa sheegaya in Kooxo hubeysan ay xalay gurigiisa ugu tageen taliyaha oo la oran jiray C/laahi faarax Juni, kuwaasi oo taliyaha banaanka guriga uga soo saaray, kuna dilay banaanka.

Arrinta ugu hadal heynta badan ayaa noqotay dilka loo geystay mas’uulkan, iyada oo dadka qaarkood ay sheegayaan in ay arrintani ahayd mid aad looga wanaagsanaa.

Wararka qaar waxa ay leeyihiin raga dilka geystay ayaa ahaa ciidamada maxaakiimta.

C/laahi faarax Juni ayaa xilka la wareegay lix bilood ka hor, kadib markii la dilay Axmed Faarax Xubeyro oo xilkaasi heyn jiray.