Qarax lala beegsadey Ciidamo Itoobiyaan ah.

Baydhabo''30-april-2008(Arlaadiimedia)Waxaa qarax xoogan lala beegsadey ciidamada dowlada federaalka Itoobiya oo ku sugnaa magaalada Baydhabo, xarunta gobolka Baay.

Wararka ayaa sheegaya in ku dhowaad 10 qofood ay geeriyoodeen, tiro intaas ka badana uu dhaawac soo gaaray, kadib markii qaraxa uu ka dhacay gudaha magaalada, gaar ahaan agagaarka saldhiga yaraha.

Markii qaraxa uu dhacay ayay wararku sheegayaan in ciidamada Itoobiyaanka ay rasaas rideen, taasi oo sida la sheegay waxyeelo gaarsiisay dad aad u faro badan.

Warar kala duwan ayaa ka soo baxaya nooca qaraxa, iyada oo wararka qaar ay sheegayaan in uu ahaa nooca dhulka la geliyo.

Ilaa shan qarax ayaa ka dhacdey magaalada bishan gudaheeda.