Dabo Geed oo Baladweyne ku sii jeeda iyo Odayaal wada dadaalo nabadeed.

Baladweyn''28-april-2008(Arlaadiimedia)Wararka laga helayo gobolka Hiiraan ayaa sheegaya in uu jiro qorsho ay wadaan maamulka gobolkaasi oo ku aadan sidii ay dib ugu laaban lahaayeen baladweyne oo Hiiraan caasimad u ah.

 

Wararka ayaa sheegaya in yuusuf Dabo-geed, gudoomiyaha Hiiraan oo ay wehliyaan ciidamo Itoobiyaan ah ay ku soo jeedaan magaalada Baladweyne.

 

Dabo-Geed ayaa idaacada maxaliga ee Baladweyne ka sheegay in ay dhowaan tegi doonaan magaaladaasi.

 

Odayaal dhaqameedyo iyo wax garad kale ayaa wada dadaal ku aadan sidii looga hortegi lahaa in gudaha Baladweyne aaney uga dhicin wax aargoosi ah marka ay dib halkaas ugu soo laabtaan mamaulka Hiiraan.

 

Qaar odayaasha ka mid ah ayaa ku dadaalaya sidii mamaulka Hiiraan iyo Itoobiyaanka loogu qancin lahaa in aysan Itoobiyaanka soo gelin magaalada.