Baydhabo''Maliishiyo ka tirsan kooxaha u adeega argagixisada caalamiga oo dagaal kula wareegay xerada Manaas ee gobolka Baay kadibna kacarareen markii ay maqleyn ciidamo dowladda oo kusoo fol leh.

Baydhabo''3-june-2008(Arlaadiimedia)Dagaal saakay waaberigii ay ku soo qaadeen maliishiyooyinka kooxaha u adeega argagixisada caalamiga  xerada Manaas ee ku taal gobolka Baay, halkaasi oo ay la wareegeen gacan ku heynta xeradaasi.

Dagaal dhex maray ciidamada Dowladda iyo maliishiyooyinkaasi ayaa sababay dhimasho iyo dhaawac labada dhinac soo kala gaartay, iyadoo maliishiyooyinka argagixisada u suurtagashay iney la wareegaan xerada Manaas oo dhinaca Koonfur kaga beegan 45 Km magaalada Baydhabo ee xarunta Baarlamaanka Soomaaliya.

lama oga tirada rasmiga ah ee dhimashada argagixisada iyo askarta Dowladda KMG, hase yeeshee afhayeen u hadlay argagixisada oo la yiraahdo Sh. C/raxiin Ciise Caddow ayaa sheegay in ciidamadooda ay ka dileen askarta Dowladda tiro uusan sheegin.

Argagixisda markey ogadeen in ciidamo farabadan ay kasoo dhaqaa qeen magaalada Baydhabo ee xarunta Gobolka Baay ay isaga carareen meelihii ay qabsadeen.
 

Xafiiska wararka Arlaadii.net ee baydhabo Janaay