Muqdisho''Afhayeenkii Midowga Ganacsatada Gobolka Banaadir oo lagu dilay Muqdisho

Muqdisho''3-june-2008(Arlaadiimedia)Kooxo aan la garaneyn ayaa goor dhow toogasho ku dilay afhayeenkii Guddiga Ganacsatada Gobolka Banaadir Cabbaas Maxamed Ducaale iyo darawalkiisa.

Afhayeenka oo xiligaasi marayey agagaarka isgoyska Dabka ee magaalada Muqdisho ayaa kooxo hubeysnaa rasaas la beegsaday iyadoo uu halkaasi ku naf baxay Afhayeenka halka darawalkiisa uu dhaawac halis ah ka soo gaaray rasaastii lagu furay balse warar aan la xaqiijin ayaa waxay sheegayaan in darawalka uu u geeriyooday dhaawacii soo gaaray.

Lama oga sababta ka danbeysa dilkiisa balse falkan ayaa qeyb ka ah dhibaatooyinka ka jira magaalada Muqdisho ee lala beegsanayo dadka rayidka ee bulshada u adeegaya.
 

Xafiiska wararka Arlaadii.net ee Muqdisho