Itoobiyaanka oo xalay howl gal ka sameeyay agagaarka Kuliyada Jaale Siyaad.

Muqdisho''02-june-2008(Arlaadiimedia)Ciidamada Itoobiya ayaa xalay howl gal ka sameeyay agagaarka Kuuliyadii hore ee Jaale siyaad, xilli Habeen hore weerar lagu qaadey halkaasi.

 

Wararka waxa  ay leeyihiin ciidamadan ayaa baaris ku sameynayay dadka iyo gaadiidkaba, iyada oo ka cabsi qaba in weeraro ay ku soo qaadaan kooxaha ka horjeeda joogitaankooda iyo dowlada federaalka kmg-ka Soomaaliya.

Qaar ka mid ah dadka deegaanka ayaa sheegay in Ciidamada Ethiopia ay xalay isku fidiyeen naawaaxiga kulyadii jaala siyaad waxa ayna intaa ku dareen in ay sameeynayeen baaritaano ay ku baarayaan dadka deegaankaasi iyo gaadiidka isticmaala wadadaasi.

Waxaa jira dad dhalinyaro u badnaa oo ciidamada Itoobiyaanka ay qab-qabteen, iyada oo qaarkood lagu soo waramayo in la sii daayay.