Sheekh Shariif:“14- xubnood cid ay xil ka qaadi karaan ma jirto, golaha dhamaantiis dhowaan ayay kulan Jabuuti ka dhici doona isugu imaanayaan, waana loo yeeray”

Jabuuti“26-may-2008(Arlaadiimedia)Anaga marna Qadiyadii Soomaalia ee aan qabanay isma bedelin, manalaga bedeli karo, waxaase ceeb ah wararka dadka lagu kicinayo ee sumcad ku ciyaarka ah” sidaasi waxaa yiri Sheekh Shariif Sheekh Axmed oo ka mid ah mas’uuliyiinta sar-sare ee isbahaysiga dib u xoreynta dalka.

 

“14- xubnood cid ay xil ka qaadi karaan ma jirto, golaha dhamaantiis dhowaan ayay kulan Jabuuti ka dhici doona isugu imaanayaan, waana loo yeeray” ayuu yiri Sheekh Shariif.

 

“In dadka la jaho wareeriyo oo hadalo aan jirin Idaacadaha laga sheego waa wax daciifnimo ah” ayuu mar kale yiri Sheekh Shariif.

 

“Dowlada Ereteriya waxaan ka xun nahay in ay kala qeybinayaan isbahaysiga, iyada oo aan ognahay abaalkii ay noo galeen” ayuu hadalkiisa sii raaciyay Sheekh Shariif oo Wareysi siiyay BBC, qeybta Afka Somaliga.