Maamulka Hiiraan oo shaaciyay in Shareecada Islaamka ay wax ku maamuli doonaan.

Baladweyn''21-may-2008(Arlaadiimedia)Maamulka gobolka Hiiraan ayaa daboolka ka qaadey in ay wax ku maamuli doonaan shareecada Islaamka, kadib markii ay kulan la qaateen ganacsatada reer Hiiraan.

 

Maamulka ayaa ka codsadey ganacsatada in ay gacan siiyaan, isla mar ahaantaasina ay ka shaqeeyaan sidii nabad loogu soo celin lahaa gobolka.

 

Sidoo kale, ganacsatada ayaa laga dalbaday in ay ka shaqeeyaan sidii loo hergelin lahaa foornooyin sameeya Rootiga oo dadka tabaaleysan laga quudiyo.

 

Hadalada noocan oo kale ah oo aan looga baran mas’uuliyiinta dowlada federaalka ku jirta ayaa noqdey kan ugu hadal heynta badan saakay magaalada Baladweyne, waxaana la isweydiinayaan sida looga dhabeyn doono.