Cumar Xaashi:” Duulaan kuma nihin KIsmaayo”

Asmara''20-may-2008(Arlaadiimedia)Cumar Xaashi oo ah xog-haya isbahaysiga dib u xoreynta ee lagu aas-aasey magaalada Asmara ee Ereteriya ayaa sheegay in uusan jirin ilaa iyo hadda qorshe ay isbahaysigooda ku weerarayaan magaalada Kismaayo.

 

Wuxuu beeniyay Cumar Xaashi wararka sheegaya in ciidamadooda ay duulaan ku yihiin meelo gobolada Jubooyinka ka mid ah, sida magaalada Kismaayo.

 

Hadalkan ka soo yeeray Cumar Xaashi ayaa ku soo beegmaya xilli shalay ay soo baxayeen warar ku saabsan in ciidamadooda ay ku sii jeedaan KIsmaayo, beesha gacanta ku heysa Kismaayana ay abaabul xoogan ku jirtay.

 

Sidoo kale, hadalkan waxa uu ku soo beegmay iyada oo shalay ay wada hadal yeesheen madaxda iyo odayaasha beelaha Sade iyo madax hogaamineysa kooxaha ka horjeeda dowlada federaalka kmg-ka Soomaaliyeed, kuwaasi oo ay isku afgarteen in ay nabad ku wada joogaan.