Axmed Diiriye: "275-ta baarlamaanka ku jirtaay, Haddii Allahiin Alle yahay, oo aad islaam tihiin, dulmigaa naga daaya, war naga xishooda, waa la xisaabtami doonaaye"

Muqdisho"15-may-2008(Arlaadiimedia)275-ta baarlamaanka ku jirtaay, Haddii Allahiin Alle yahay, oo aad islaam tihiin, dulmigaa naga daaya, wax naga xishooda, waa la xisaabtami doonaaye" sidaasi waxaa yiri Axmed Diiriye Cali oo ah afhayeenka dhinaca siyaasada ee golaha odayaasha beelaha Hawiye.

"Nuur CAdde waxa lagu galayaa waa wax cad, waa maxaad nabada ugu baaqdey, maxaad nabada uga shaqeyneysaa…. Waxaa wax laga xumaado ah in 61- beesha Hawiye baarlamaanka ugu jirtay ay iska hurdayaan" ayuu yiri Hadana.

"Nuur ka hor xabada xamar waa ka socotay, waa wax isaga ka horeeyay, Nuurna waa shaqeeyay, marka waa dulmi beelaha Hawiye loogu dan leeyahay oo midkii umada u turo-ba lagu weerarayo"ayuu hadalkiisa sii raaciyay.

Axmed Diiriye ayaa ugu baaqey 61- xildhibaan ee beesha Hawiye ugu jiray baarlamaanka looga baahan yahay in danaha beesha ay difaacaan, haddii aaney awoodina ay iska sheegaan oo beesha Hawiye ay qof ku bedelan doonaan.