Dad ku dhaqnaa deegaanka Yaaqbiri weyne oo bilaabay in ay halkaasi isaga barakacaan.

Muqdisho''15-may-2008(Arlaadiimedia)Wararka ka imaanaya deegaanka Yaaqbiri weyne oo ka tirsan gobolka Shabeelaha hoose ayaa sheegay in dadka ku dhaqan halkaasi ay bilaabeen in ay degaankaasi isaga baro kacaan.

Wararka waxa ay leeyihiin in dadkani badankood ay soo wajahadey cabsi ku aadan ciidamada Itoobiyaanka oo sida la sheegay fariisimo ka sameystay deegaano halkaasi ka dhow.

Arrinta ugu hadal heyta badan waxa ay tahay sedex qofood oo ciidamada Itoobiyaanka ay dileen, wax yar kadib marki qarax lagula beegsadey wadada u dhaxeysa Wanla weyn iyo Baydhabo, kuwasi oo meydadkooda ay aashito ku shubeen, sida dadka deegaanka ay sheegeen.

Ciidamada Itoobiyaanka ayaa mararka qaar isku fidiya dhulka howdka ah eek u teedsan wadada u dhaxaysa Wanla weyn iyo baydhabo, halkaasi oo ay ku bateen weerarada ka dhanka ah ciidamada Itoobiyaanka.