Ciidamada Itoobiyaanka oo saakay howl gal ka sameynaya Jungal iyo Towfiiq.

Muqdisho''15-may-2008(Arlaadiimedia)Ciidamada dowlada Itoobiya ee fariisinka ku leh agagaarka isgoyska Towfiiq ee magalaada Muqdisho ayaa saakay isku fidiyay xaafado ka mid ah Jungal iyo Towfiiq.

Wararka ayaa sheegaya in ciidamadan oo aad u badan ay wadooyinka xireen, isla mar ahaantaasina ay baaris ku sameynayaan gobo ay bartilmaameedsanayeen.

Goobaha ay saakay galeen ciidamada ayaa lagu soo waramayaa in uu ka mid yahay masjid lagu magacaabo Aqsa, halkaasi oo sida la sheegay ay ka wateen wadaad tabliiqa ka mid ah iyo labo wiil kale oo dhalinyaro ah.

Dhinaca kale, labo guri oo sida la tuhunsan yahay ay ku sugnaayeen rag ka mid ah kooxaha ka horjeeda dowlada federaalka ayaa ciidamada Itoobiyaanka ay galeen, lamina oga cida halkaasi ay ka wateen.

Ma jiraan ilaa iyo hadda wax rabshad ah oo halkaasi lagala hor yimid ciidamada Itoobiyaanka, sidii horeyba loo arki jiray.

Arrintan ayaa timid, kadib markii xalay bambooyinka gacanta lagu weeraray fariisimo ay leeyihiin ciidamada Itoobiyaanka oo goobahaasi ka dhow.