Moshin ka dhan ah xukuumada Nuur CAdde oo xildhibaano ay diyaarinayaan.

Baydhabo''8-may-2008(arlaadiimedia)Waxaa soconaya diyaarinta moshin ka dhan ra'iisal wasaaraha dowlada federaalka kmg-ka SOomaaliyeed oo ay wadaan xildhibaano ka tirsan golaha baarlamaanka federaalka kmg-ka Soomalaiyeed.

Xildhibaanadan oo kulamo xoogan ka wada magaalada Baydhabo ayaa ku eedeynaya xukuumada ra'iisal wasaare Nuur CAdde in wax qabad la'aan, iyaga oo dhinaca kalena sheegay in jawaabihii ra'iisal wasaaraha ay noqon waayeen kuwa lagu qanci karo oo faah-faahsan.

Cali C/laahi Cosoble oo ka mid ah xildhibaanada iminka dhaq-dhaqaaqa ka wada Baydhabo ayaa sheegay in moshinkooda ay xoojin doonaan.

SI kastaba, golaha baarlamaanka federaalka kmg-ka SOomaaliyeed ayaa u yeeray ra'iisal wasaaraha, ayaga oo su'aalo weydiiyay, kuwaasi oo uu ka jawaabay ra'iisal wasaaraha.

Hadaba waxaan la ogeyn sida moshinkan u dhaqan geli karo, xilli dhowaan la filaayo in ay wada hadaladii loo balansanaa ay isugu yimaadaan dowlada iyo kooxaha ka horjeeda.