Taliyihii ciidamada Maxaakiimta Hiiraan oo geeriyoodey.

Baladweyn''8-may-2008(Arlaadiimedia)Wararka laga helayo magaalada Baladweyne oo ah xarunta gobolka Hiiraan ayaa sheegaya in uu geeriyoodey taliyihii ciidamada maxaakiimta ee gobolka Hiiraan.

Wararka ayaa sheegaya in taliyaha uu dhaawac ka soo gaaray dagaal shalay dhex maray ciidamo ka tirsan kuwa Itoobiya iyo kooxaha ka horjeeda dowlada federaalka kmg-ka SOomaaliyeed.

Wararka waxa ay leeyihiin dhaawacii soo gaaray taliyaha ayaa sababay in uu xalay u geeriyoodo, sida ay xaqiijiyeen xubno ka mid ah maxaakiimta.

Taliyaha ayaa lagu magacaabi jiray Amiin Daacad, wuxuuna ahaa nin si weyn uga soo horjeeday ciidamada Itoobiyaanka iyo dowlada federaalka kmg-ka SOomaaliyeed.

Warar kale ayaa sheegaya in ay jiri karaan xubno kale oo saraakiisha ka mid ah oo dhaawacyo ay soo gaareen.