Baydhabo oo Caawa Cabsi iyo Bandoow ku hoyaneysa.

Baydhabo''8-may-2008(Arlaadiimedia)Wararka laga helayo magaalada Baydhabo oo ah xarunta gobolka Baay ayaa sheegaya in caawa magaalada ay gashay cabsi, iyada oo socodka dadka shacabka ah uu yahay mid magaalada ku yar saacadahan.

 

Wararka waxa ay leeyihiin wadooyinka xaafadaha iyo kuwa  waa weyn ee magaalada waxaa iminka lagu arkayaa ciidamo ka tirsan booliiska Baydhabo oo amaanka sugaya.

 

Goor hore oo Caawa ah ayaa lagu soo waramayaa in uu joogsadey socodka dadka shacabka ah.

 

Arrintan ayaa ku soo beegantay iyada oo caawa Afhayeenka Al-Shabaab uu digniin u jeediyay shacabka reer bay oo uu ugu baaqey in ay ka fogaadeen goobaha ciidamada Itoobiyaanka iyo dolwadaba ay ku sugan yihiin.

 

Sidoo kale, arrinatan waxa ay ku soo beegmeysaa xilli kooxaha ka horjeeda dowlada ay qarax kula beegsadeen saraakiil muhiim ah duleedka baydhabo.

 

Waxaa jirta cabsi ku aadan in caawa falal ka imaanaya  kooxaha dowlada ay ka dhacaan halkaasi.

Faah-Faahin Dheeri ah oo ka soo baxaysa qaraxyadii