 Gudoomiye
ku xigeenka 2aad ee Baarlamanka Soomaaliya Cismaan
Cilmi Boqore uu u waramayay warbaahinta gudaha dalka
Soomaaliya ayaa waxaa uu ka hadlay hadal dhawan ka
soo yeeray wasiirka maaliyada Soomaaliya Mudane
Sharif Xasan Shiikh Aadan kaasi oo ku aadanaa in
dhawaan labada dowladood ee Somaliya iyo Sudan ku
hishiiyiin in soomaliya lacag cusub loo sameeyo .
''Majiraan ilaa
iyo haatan cid si rasmi ah ugu wargelisay
baarlamanka balse xaqiiqada jirtaa waxay tahay in
aanu ka maqalnay idaacadaha oo keliya” Sidaasi waxaa
yiri Cismaan Cilmi Boqore oo ka hadlayay hishiiska
ay Sudan iyo Soomaalia wada gaareen.
Waxuuna sidoo kale
intaasi ku daray in sharikado arintasi u xilsaaran
in ay yihiin ay jiraan waxaana uu sheegay arintaan
hadii ay an sixiyaan golaha wasiirada marwalba la
horkeeni doono Baarlamanka kana fariisan doono.
Gudoomiye ku
xigeenka hadalkiisan ayaa waxaa uu ku soo beegmayaa
xili maalmihii ugu dambeeyay la hadal hayay in
lacago cusub lagu soo daabici doono dalka Turki-ga
taasi oo lagu bedeli doono tan haatan la isticmaalo.
|
